مكان المكتب فى مصر القديمه 49 شارع سيدى مالك بس المدربين والمدربيات فى جميع انحاء الجمهوريه وبيقدر الكابتن يقرب لحضرتك لاقرب طريق سريع او اقرب ميدان علشان يوفر عليك/ى مشوار المكتب وكمان تقدر/ى تدفع /ى مع الكابتن

لدينا مدربين ومدربات على اعلى مستوى من الكفاءه والخبره والصبر وعدم الانفعال عند وجود اخطاء

الحصه ساعه 60 دقيقه مش 50 دقيقه زى بعض المدارس وبنفضل انها تكون ساعتين علشان معدل الاستفاده يكون اعلى

حضرتك بتقدر/ى تدفع/ى مع الكابتن ومش شرط حضرتك تيجى المكتب وبيكون الدفع على مرتين ....اول مره نص المبلغ والنص التانى تانى مره....او تقدر/ى تدفع/ى فودافون كاش على حساب المدرسه....او تقدر تيجي تدفع فى المقر

المانيول هو اساس السواقه ... يعنى لو بتعرف/ى تسوق/ى مانيول هتعرف/ى تسوق/ى كمان اتوماتيك ... اما لو اتدربت/ى اتوماتيك ف هو اسهل بكتير من المانيول وغلطاته قليله علشان من غير غيارات فى الفتيس ومن غير دبرياج .. ف اللى هيتعلم اتوماتيك مش هيسوق غيرها ومش هيعرف يسوق مانيول ومش هيفكر حتى يتعلمه علشان هيكون بالنسباله صعب جدا ....

لا يوجد للاسف ...علشان الكورس ليه محتوى الكابتن بيقدر يمشى عليه ولما بيقصر بنقدر نحاسبه انما الحصه ملهاش محتوى وهتلاقى نفسك تايه وفى الاخر مش هتستفاد وتفضل تزود فى عدد حصص وفى الاخر هتقول دى مدرسه مبتعلمش حاجه وكمان الحصه بتخلى العميل فى كسل والكابتن مبيبقاش ملتزم معاك فى المواعيد لان الاولويه للكورسات علشان دى ناس عندها هدف عاوزين يوصلولوا فى اسرع وقت وباقل سعر

لا للاسف لا يوجد شهاده .....لانها غير معترف بيها فى المرور ولا فى اى شركه ....انما بنديك خبره اقوى بكتير من اى شهاده مكانها الدرج

بيكون اقرب مكان واسع قريب من حضرتك ولو مفيش مكان قريب من حضرتك ينفع للتدريب ف الكابتن بيقرب لحضرتك لاقرب طريق سريع او اقرب ميدان لحضرتك وياخدك ويتحرك على مكان التدريب انما الكابتن مش بيجى تحت البيت

المواعيد بتكون حسب مواعيد حضرتك المتاحه سواء صباحا او مساء او حتى فى البريك بتاع الشغل ....يعنى ممكن نتواجد مع حضرتك من 7 او 8 صباحا حتى 11 مساء

اه يا فندم بنساعد حضرتك فيها ....لاز يكون معاك/ى صوره البطاقه وشهاده اللقاح وكام صوره شخصيه والمؤهل ويكون معاك/ى فيزا علشان تقدر تدفع بيها تكلفه الورق بالداخل وبتكون تكلفته حوالى 2000 جنيه لو حابب تتدرب/ى على الاختبار ف حضرتك بتحدد/ى الحرف اللى حابب تتدرب/ى عليه والتدريب بيكون ساعه على الحرف اللى حضرتك اختارته وتقدر تزود عدد الساعات براحتك. ومتاح برضه انك تطلعها بدون اختبار معانا .